إي هيا اللغة؟
طريقة تعلم اللغة الوطن الاول ، وسيلة التواصل بين الناس، ولزام أن يكون الطرفين اللذان يحصل بينهما التواصل فاهمين اللغة التي ينطقونها أو بيستخدموها في تواصلهم، صرح هنري سويت عالم نطق اللغة الإنجليزية وعالم اللغة تعريفا للغة قال فيه: “اللغة هي تعبير عن الأفكار عن طريق دمج أصوات الكلام في الكلمات. يتم دمج الكلمات في جمل ، وهذه التركيبة تجيب على الأفكار وتحولها إلى معتقدات”
ليه عايز تتعلم لغة ؟
قبل أن تقرر طريقة تعلم اللغة إكتساب ولا تلقين لابد أن تكون مدركا للسبب الذي من أجله تريد أن تتعلم اللغة؟. وايه الثقافة اللغوية اللي محتاج تكتسبها .. تقدر تقرأ اكتر عن الثقافة اللغوية في المقال دا ، لو عايز تسافر دولة ما عشان تشتغل فيها فأنت محتاج تكتسب اللغة مش مجرد تعلمها.
عملية التعلم بالتلقين عملية معرفية انما طريقة تعلم اللغة بالاكتساب عملية حرفية .بمعني أنها قائمة علي الممارسة فمينعفش أنى أكون عايز أكتسب لغة ومكنش بمارسها يعني لو بصينا للرياضي، الرياضي مينفعش يقعد يدرس الرياضة اللي هو بيعملها ولكن لازم يمارس الرياضة بتاعتة ومهما أخدها نظري كل ده مش هينفعه. نفس الفكرة مع الحرفي.
الحرفي المعلم بيقولة أعمل وسوي ولكن الكلام ده كله بيبقي مجرد تمهيد لازم يمارسها بإيده وبقدر مابيمارسها بإيده بقدر كل ما حرفيته بتزيد وإتقانه بيزيد.
لو عايز تكتسب لغة يبقي لازم تمارسها وتمارسها بشكل متكرر ومتمرس ومباشرة مينفعش فيها التأجيل مينفعش أخرها لنهاية الأسبوع أوأسبوعين أوبعد شهر لازم أمارسها بشكل مستمر بشكل منتظم بشكل سريع أو حديث إنما أني أجلها مينفعش، يبقي أنت لازم تبص إيه هدفك من اللغة عايز تكتسب ولا عايز تدرس؟
عايز تدرس هيبقي زيك زي غيرك، عايز تكتسب فأنت كده داخل جانب عملي وبقدر ممارستك بقدر مأنت هيزيد إتقانك للغة دي.
اي فايدة اني يكون معايا لغة ؟
اللغة ليها اهمية كبيرة طبعا لأنها بتقدر تخلي الشخص اللي معاه اكتر من لغة أكتر قابلية للتوظيف دا غير انها بتخلي الموظف أكتر قيمة في السوق .
وبرده من أهم مميزات اللغة هي إنها بتعمل على زيادة حجم مناطق الدماغ المرتبطة بالذاكرة .
و مننساش أكتر ميزة بتعملها اللغة على حسب دراسات سويدية هي انها بتساعد على الوقاية من أمراض الدماغ زي الخرف والزهايمر.
اي هيا اللغة الأم؟ونظريات إكتسابها؟
كلنا بنبدأ نتكلم بعد سن السنة واللغة اللي بنتكلم بيها دي هيا اللغة الأم، وبكدا نقدر نتعرف عليها أنها اللغة اللي بيتم التحدث بها في المنزل في مرحلة الطفولة، طبعا دا أشهر وأهم مصطلح ليها لأنها اول حاجه الطفل بيتعلمها بعد الولادة،ليها أسماء تانيه كتيير زي اللغة الشريانية أو اللغة المنزلية.
اتسمت اللغة الاولى مش علشان بس هيا أول حاجه إتعلمها الطفل من أمه بعد الولادة، إنما علشان برده أهميتها وقدرة المتحدث بيها على اتقان كل جوانبها اللغويه ويقدر يتواصل بها بحرفيه ومهاره من غير مجهود، يكتسب الاطفال لغتهم الاولي علي مراحل طبعا ،يعني مبينطقوش الكلمة صح من أول مره، بيحتاجوا يسمعوا ويكرروا الكلام لحد مايعرفوا ينطقوا الكلمة بشكل صحيح ودا طبعا دور الوالدين او الأطفال الأخري في التحدث معهم ومشاركتهم في الحوار
الأطفال اللي مش بيكون حواليهم اطفال متكلمين أو أبوين مهتمين بالكلام معهم ومشاركتهم في الحديث بيكون عندهم مشكلة في إكتساب اللغة والنطق بها. كمان مش ضروري ابدا المتحدث الاصلي يكون على دراية بكل القواعد النحوية وبناء الجمل في اللغة الام بس بيكون عنده حدس جيد للقواعد من خلال تجربته مع اللغة.
العلماء اتكلموا عن طريقة تعلم اللغة من حيث إكتساب اللغة وقالوا إن في حوالي 7 نظريات لطريقة تعلم اللغة بتناقش فكرة إكتساب اللغة، تعالوا نتكلم عن أهم 4 نظريات فيهم
* النظرية الفطرية
و دي كان صاحبها هو تشومسكي اللي قال ان الطفل بيتولد وهو عنده استعداد فطري لإكتساب اللغة وهي دي طريقة تعلم اللغة الفطرية بتاعته ،علشان كدا اول مابندأ نعلم الطفل ازاي يتكلم ويستخدم اللغة ،بتبدأ اللغة تتبنى عنده بشكل تلقائي تماما .
تشومسكي برده قال ان كل انسان يقدر يحدد طريقة تعلم اللغة بنفسه لأن كل انسان عنده الموهبه الفطرية اللي تخليه عايز يتعلم اللغة، الموهبه دي موجودة عند كل البشروفي كل مكان وفي كل زمان، والفطرة دي هيا اللي بتميز الانسان عن الحيوان، وبيسموها جهاز إكتساب اللغة (LAP)
تشومسكي برده كان شايف ان الاسرة فعلا لها دور مهم في إكتساب الطفل للغة بس الأسرة ملهاش دور في تصحيح لغة الطفل لان دي مهمة الطفل واكتشافه لنفسه ،انما دور الأسرة هو تسهيل عملية إكتساب اللغة من خلال المواقف والمحادثات من غير مايحصل منهم اي تلقين للطفل.
* النظرية السلوكية
صاحب النظرية دي سكنر قال ان اللغة عبارة عن سلوك وان طريقة تعلم اللغة عند الطفل انه بيقلد السلوك اللفظي في بيئته ،أصحاب النظرية دي شايفين ان التقليد والتكرار له دور مهم جدا في التطور اللغوي عند الاطفال .
يعني لما الطفل يعمل سلوك لغوي مفهوم في نطاق المنزل ووالديه يكافؤه علي السلوك دا بالتالي دا هيشجعه انه يطور من سلوكه اللغوي .ولخص سكنر نظريته لما قال ان اللغة عبارة عن عادات يتعلمها الاطفال بالتقليد والتكرار ، وان اللغة سلوك والسلوك بيتم تعلمه عن طريق تحفيز الاطفال وتشجيعهم على تعلم السلوك دا.
* نظرية المعرفية
صاحب النظرية دي بياجيه كان يرى ان اكتساب الأطفال لأسماء الأشياء في سن صغير جاي نتيجة للتقليد ، بيوجيه فرق في نظريته مابين الاداء والكفاءة وقال ان الاداء جاي نتيجة للسلوك اللي نشأ نتيجة للتفكير ولسه مااستقرش في حصيلة الطفل اللغوية ،انما الكفاءة بتيجي نتيجة مواقف اكتسبها الطفل من العالم الخارجي ونظمها بطريقته بناء علي تفاعله مع العالم الخارجي.
* النظرية البنائية
هيا النظرية اللي يمكن تعريفها على أنها رؤية في نظرية التعلم ونمو الطفل، بتشرح أن الطفل يكون نشطًا في بناء أنماط التفكير . بمعنى تاني هيا نظرية بتقول ان طريقة تعلم اللغة عند الانسان عموما انه بيبني لغته بنفسه من خلال مروره بمواقف وخبرات في حياته تساعده على بناء المعرفة وتطور اللغة .
اكتساب اللغة
إكتساب اللغة نقدر نعرفه على أنه طريقة تعلم اللغة بواسطة فهم الكلام من غير بذل مجهود واعي زى مثلا اللغة الام، إكتساب اللغة بيبدأ عند الطفل من اول مراحل عمره ،يعني من سن سنة بيبدأ الطفل يكتسب اللغة اللي هيا طبعا اللغة الأم .في اطفال بتقدر تكتسب اكتر من لغة، ودول اللي بيكبروا في مكان متعدد اللغات، وسهل جدا عليهم إكتساب لغتين أو أكثر طالما إنهم متفاعلين مع الأشخاص المتحدثين معهم بتلك اللغات .
يعني لو سألتك هل تفتكر أول مرة نطقت فيها كلمة ماما أو بابا ؟أكيد لا، لأنك كنت لسة طفل صغير، كنت لسة بتحاول تبدأ تركز في كلام أهل البيت من حولك وتقوله، ومعملتش اي مجهود ف تعلم اول لغة ليك تماما، تعال بقى نفتكر مدرس اللغة الإنجليزية والطريقة اللي كان بيعلمك بيها اللغة، طبعا فاكر، شفت الفرق بين الحالتين؟ هو دا بقى الفرق بين إكتساب اللغة وتعلم اللغة.
كدا فهمنا إن إكتساب اللغة هو طريقة تعلم اللغة بواسطة استيعاب الكلام ونطقه من غير مايحصل اى حفظ متعمد للكلمة أو تعريفها أو للقواعد النحوية.
إزاى الكبار بيكتسبوا لغة ؟
الكبار برده ممكن يكتسبوا لغة زى الأطفال بالظبط في إكتساب لغتهم الأم، هما بس محتاجين يركزوا في المواقف اللي بتحصل حواليهم ،مثلا في الطريقة اللي بيحي بيها الناس بعضهم، أو اللي بيتقال في لحظات الوداع أو المغادرة .يعتمدوا على الإستماع ومحاولة تقليد الكلام اللي بيسمعوه، وتكرار الجمل القصيرة وغناء الأغاني .
برده طريقة تعلم اللغة المهمة والمعروفة لإكتساب اللغة هيا قراءة كتب الأطفال،أو الاعتماد على الأغانى والتلفزيون والراديو، الإستماع الى اللغة بشكل منتظم يعني تقريبا كل يوم ساعة واحدة بيعمل على تسريع إكتساب اللغة، انك تقع في الخطأ أكتر من مره وتتعلم منه دا شيء ضروري لإكتساب اللغة بنتيجة كويسة.
الأطفال أم الكبار في اكتساب اللغة ؟
لو سألتك تفتكر مين فيهم اللي عنده قدرة وسرعة أكبر، الطفل في السن الصغير ولا البالغ او الكبار، في ناس هتقول الطفل طبعا لأن دي أول حاجه هو بيتعلمها وكمان بشكل تلقائي تماما من غير اى تعب
استني بقى هقولك على حاجة حلوه،أظهرت الأبحاث الحديثة أن البالغين والأطفال الأكبر سنا بيتعلموا بسرعة أكبر وبنفس الكفاءة، قالت الأبحاث أن طريقة تعلم اللغة للأطفال بواسطة مرحلة إكتساب لغة أو اثنين بيحصل لدماغهم تكيف وإن الكبار بيحصلهم برده تكيف وتغييرات في وظيفة وبيئة الدماغ زيهم زى الأطفال بالظبط .
كل الفرق إن الاطفال بيكتسبوا اللغة وهما مش واعيين ولا مدركين، إنما البالغين على الرغم انهم بيتكتسبوا اللغة التانيه دى بطريقة عفوية بس بتحتاج منهم شوية تركيز وتفكير وإدراك للعملية .
كاتب معروف اسمه ستيف كوفمان طلب منه حد من متابعيه إنه يعمل فيديو عن طريقة تعلم اللغة للكبار اللي هيا إكتساب اللغة ،رد عليه وقاله انه الصبح كان بيلعب هوكي مع أصحابه وكان كلهم أعمارهم في الستينات، قاله لما كنا بنلعب، كنت فاكر اني في عمر 15 او 20 سنة ،هو هو نفس الشعور وهيا هيا نفس المتعة والفرحة .
قاله كمان إن الكبار في معظم الأحيان بيتعلموا أسرع من الأطفال لأنهم عندهم مفردات أكبر بكتيير في لغتهم الأولى اللي بتساعدهم طبعا على إكتساب اللغة الثانية .
نفس الكاتب قال في مقاله عن إكتساب اللغة جملة لخصت نظريته بطريقه سهله وبسيطة
(لست مقتنعا بأن العمر يمثل مشكلة كبيرة ب تجاوز مرحلة الطفولة ،الأهم من ذلك بكثير هو موقفك ،هل تركز؟ هل أنت منتبه؟ هل تعرض نفسك بما يكفي للغة ؟هل تستمتع باللغة ؟هل تستمتع بالعملية؟
إذا كانت الإجابة على كل ذلك بنعم ،فإن السؤال المتعلق بعمرك لايهم إذن )
اى اللي بنحتاجه علشان نكتسب لغة ؟
الأطفال علشان نكتسب لغة بنحتاج لمصدر للتواصل اللفظي،ا للي عادة بيكون الاب أو الأم مع اللغة الأولي، في الحالة دى مش محتاجين نفسر ليهم كل اللي بيحصل حوالينا، مثلا مش محتاج تقول للطفل اي هيا الشجرة؟ وتوضحله ان دي شجرة.
ببساطة انت محتاج تستخدم اللغة زى مابنعمل دايما، والاطفال هتقدر تكتشف اللغة عن طريق مشاركتهم في المحادثات معانا. الكبار بقي لازم يمروا ب 6 مراحل علشان يعرفوا يكتسبوا اللغة بطريقة صح .
اي هيا مراحل إكتساب اللغة ؟
أول مرحلة
بيسموها فترة الصمت ودي بتكون إنك بتبدأ تفهم بس لسه مش بتعرف تتكلم ودا غالبا بيفضل أسابيع علي حسب الشخص نفسه .
تاني مرحلة
دي بتبدأ فيها تتكلم كلمات وجمل قصيرة بس تركيزك بيفضل علي إنك تسمع وتستوعب اللغة الجديدة ،طبعا المرحلة دي بتكون فيها أخطاء كتيير بس مع الوقت بتتعلم منها .
تالت مرحلة
الكلام فيها بيتكرر والجملة بتطول بس لسه بنعتمد بشكل كبير علي الكلمات السهلة والبسيطة وفي المرحلة دي بتبدأ الأخطاء تقل .
رابع مرحلة
بتبدأ تتكلم كويس نوعا ما ، خصوصا في المواقف الإجتماعية ، طبعا بيكون في أخطاء برده بس بتكون أقل طبعا .
خامس مرحلة
بتتكلم فيها بطلاقة وتبدأ اللغة تاخد منحني إنها تكون وسيلة تواصل كويسة بينك وبين الناطقين بيها ،هيبقي عندك فجوات في بعض الكلمات بس مثلا هتلاقي نفسك بتعرف تقول رأيك في موقف أو تحل مشكله .
سادس مرحلة
هيا أخر مرحلة بقي ، بتكون بقيت مرتاح في التواصل باللغة اللي إكتسبتها ،على الرغم إنك ممكن تكون لسة بتقول بعض التعبيرات بطريقة مش صحيحة بس مع الوقت بتتحسن تماما.
هاخد وقت قد اي علشان أكتسب اللغة دي ؟
هقولك إن المراحل الستة اللي إتكلمنا عنها دي كلها بتاخد وقت طبعا بس الوقت دا بيعتمد علي الشخص نفسه، مهارة الشخص مساهم رئيسي في تسريع إكتساب اللغة الثانية طبعا ، الناس اللي عندها اللغة الأولى قوية وبيعرفوا القراءة والكتابة وبناء الجمل والمفردات اللغوية هتكون عندهم عملية طريقة تعلم اللغة من حيث إكتساب اللغة عملية سهلة وهتتم بشكل أسرع .
ليه أصلا بنحتاج نكتسب لغة ؟
اي حد محتاج يطور حياته المهنيه او يسافر لدولة مختلفة في اللغة، او حتى محتاج انه يعزز ثقته بنفسه، هنا بنقول إنه محتاج يكتسب لغة أكتر من إنه يتعلم لغة.
أساسيات إكتساب اللغة هيا الممارسة، يعني مينفعش نبعد عن اللغة فترة من الزمن واقول انا عايز اكتسب اللغة دي، لو عايز تكتسب لغة يبقى لازم تتعامل بيها في مواقفك وحياتك بشكل مستمر، وكل ماتتعامل بيها اكتر كل ماتتقنها اكتر ومهارتك فيها تزيد.
إى هو تعلم اللغة؟
تعلم اللغة هيا عملية معرفية معقدة عن عملية إكتساب اللغة لانك مجبر تتعلم القواعد وازاى تعمل جملة وتدرس المفردات والنماذج اللغوية،طبعا طريقة تعلم اللغة دي متنفعش إطلاقا مع الأطفال، الأطفال بيكتسبوا لغة مش بيتعلموها .عملية التعلم لازم تكون مع الأشخاص المتعلمين اللي عندهم معرفة باللغة الجديدة دي ويقدروا يتكلموا عنها .
طريقة تعلم اللغة من حيث فكرة التعلم الشاملة يعني انك تبذل مجهود واعي علشان تقدر تتعلم اللغة وتكون ماهر فيها وتقدر تعرف كل جوانبها ومعاني كلماتها وقواعدها النحوية .
ازاي بنتعلم لغة؟
دا طبعا بيحصل عن طريق التعليم او التدريس او الخبرة. تعلم اللغة يختلف تماما عن إكتساب اللغة ،يعني لو افتكرنا دروس اللغة الإنجليزية في المدرسة هنفتكر اننا كنا بندرس الكلمات وفصول السنة وأيام الاسابيع والقواعد النحويه وكل تفاصيل المادة كنا بندرسها من كتاب ، ودا طبعا مختلف تماما عن إكتساب اللغة ،وبمناسبة الحديث عن اللغة الإنجليزية ممكن تطلع على تاريح اللغة الإنجليزية واستخدامها من هنا
تعلم اللغة مش بيحصل بشكل تلقائي ،إنما بيحصل عن قصد و بذل مجهود واضح . ولخصها عالم لغة بطريقة بسيطة لما قال إن تعلم اللغة يعني دراستها ،أنما اكتساب اللغة فهو ممارسة ومهارة.
اي اللي محتاجه علشان اتعلم لغة ؟؟
بمعني تاني تعلم اللغة هو التعليم المباشر ل قواعد اللغه ،طبعا التعلم محتاج للتعامل مع الكبار لانهم علي دراية بالقراءة والكتابة وقواعد اللغه الأم اللي هتساعدهم في تعلم اللغة الجديدة وبناء الجملة . اللغة الام لها تأثير عالي جدا علي تعليم اللغات الاخري
علشان تتعلم لغة ،لازم تكون عارف يعني اي بناء جملة ويعني اي نحو أو صرف، لازم تكون فاهم في علم الاصوات وتناغمها والضمائر طبعا، من الأخر تعلم اللغة يعني انك لازم تدرسها تفصيليا ،محتاج تتعلم إن فيه قواعد لكل لغة وإن تغيير مكان الكلمات في الجملة ممكن جدا يغير معنى الكلمة أو الجملة وإن الكلمة الواحدة ممكن يكون ليها اكتر من معنى على حسب سياق الجملة ..
ومع ذلك في ناس بتتحب تتعمق في اللغة الام وتتعلم اكتر فيها علشان تدرس كل جوانبها النحوية، وكدا يبقوا بيجمعوا مابين إكتساب اللغة وتعلم اللغة، تتعلم اللغة من خلال دراسة مفرداتها وقواعدها وبناء الجمل، وفي الوقت نفسه بتقدر تنطق اللغة بشكل طبيعي في بيئة تنطق نفس اللغة.
إى الافضل ؟إكتساب اللغة ولا تعلم اللغة؟
طبعا بعد الشرح المفصل دا لإكتساب اللغة بكل تفاصيله وتعلم اللغة يبقى من السهل اننا نقرر إن إكتساب اللغة أسهل كتيير من تعلم اللغة وهو الحل المثالي للناس اللي عايزين يتعلموا اللغة علشان السفر او الشغل او كلغة تبقى معاهم تفيدهم في حياتهم المهنيه والعمليه، إنما تعلم اللغة يناسب الطلاب اللي محتاجين يدرسوا اللغة بكل تفاصيلها ومشتقاتها ويتعلموا كل قواعدها النحويه ومفراداتها .
بردو معانا فديوهين من على قناتنا في اركادا يوتيوب كل واحد دقيقتين مختصرين عن الفرق بين تعلم اللغة وإكتساب اللغة تقدر تشوفهم من هنا
